Një aksident i rëndë me pasojë vdekje ka ndodhur pasditen e sotme në Durrës.
57-vjeçari me inicialet S.V ka qenë duke lëvizur me biçikletë në momentin e aksidentit, ku është përplasur nga një automjet me drejtues shtetasin A.K.
Drejtuesi i automjetit është shoqëruar nga policia për veprime të mëtejshme.
Grupi hetimor ndodhet në vendngjarje dhe po punon për zbardhjen e plotë të rrethanave të ngjarjes.
“Mbasdite e sotme, në segmentin rrugor Fllak-Bisht Kamëz, një automjet me drejtues shtetasin A. K.,54 vjeç, ka përplasur shtetasin S. V., 57 vjeç, që lëvizte me biçikletë, i cili ka ndërruar jetë në vendngjarje. Drejtuesi i automjetit është shoqëruar në ambientet e Komisariatit të Policisë Durrës, për veprime të mëtejshme. Grupi hetimor ndodhet në vendngjarje dhe po punon për sqarimin e rrethanave të këtij aksidenti”, njoftoi policia.
