Një situatë e pazakontë është krijuar sot në Kuvend, ndërsa salla është mbuluar nga tymi.
Deputeti i Rithemelimit, Saimir Korreshit ka ndezur në Kuvend tymuese.
Teksa salla e Kuvendit është mbushur me tym, Kryetarja e Kuvendit Linidita Nikolla e përjashtoi nga seanca Korreshin.
Më pas Nikolla kërkoi ndërhyrjen e gardës për të vendosur rregull.
Berisha ka reaguar duke i thënë se nuk mund të preken deputetët.
Opozita është e vendosur të mos lejojë jetë normale parlamentare deri në plotësimin e kërkesave të saj: Ngritjen e komisioneve hetimore, përfshirjen në komisionin e reformës zgjedhore mazhoranca të heqë dorë nga përfshirja në zhvillimet e brendshme të opozitës.
Teksa tymi kishte mbushur sallën, fjalën e mori ministri i Brendshëm Taulant Balla.
Ai ju kërkoi deputetëve demokratë që të mos keqpërdoren nga interesat personale të një individi, referuar ish-kryeministrit Berisha.
“Deputeti ligjvënien e ka detyrë primare. Kjo pamje tregon se këtë punë nuk e keni marrë seriozisht. Përkeqëson marrëdhënien me njerëzit. Thirrja ime ndaj pjesës më të madhe të deputetëve të djathtë, ju lutem mos u keqpërdorni nga interesi dhe halli personal i një njeriu”, tha Balla.