Mesditën e sotme është kuptuar inati që Egla kishte që në fillim të Big Brotherit me Julin. Ky i fundit është kthyer pas në kohë dhe i ka kujtuar sot Eglës kohën kur e refuzoi për audicionet e një projekti.
“Ke ardhur tek unë për audicione dhe të kam nxjerrë jashtë. Thuaja njerëzve të vërtetat e tua”, i tha Juli, Eglës.
Aktorja iu kthye duke i quajtur gënjeshtra deklaratat e tij, ndërsa debati nuk u ka shpëtuar ofendimeve dhe gjykimeve personale. Debati mes dy banorëve është i hershëm.
Në vetëm pak ditë qëndrimi në shtëpinë më të famshme, përplasja nisi për të brendshmet e Julit, ku Egla i kërkoi të mos shfaqet gjysmë i zhveshur në dhomë me vajzat. Për të njëjtën arsye, aktorja ka patur debate edhe me ish-banorin, Graciano Taganin.
