Fredi Beleri ka folur nga burgu për median greke “Skai”, duke thënë se mbahet në mënyrë të padrejtë në burg dhe me urdhër të Edi Ramës.
Lidhur me mosbetimin e tij si kryebashkiak dhe me mbajtjen e tij në burg, ai u shpreh se ligji në Shqipëri nuk funksionon. Beleri tha gjithashtu se, kur dikush që nuk është dënuar dhe vendimi nuk ka marrë formë të prerë, ai mund të betohet.
“Ligji është i qartë. Kur dikush nuk është dënuar dhe vendimi nuk ka marrë formë të prerë, ai mund të betohet. Për të njëjtën vepër jam në paraburgim, ndërsa dy kryetarë të tjerë janë në detyrë, ndërsa për dy rastet e tjera ka video dhe dëshmi. Një dëshmitar i vetëm ka pranuar se është financuar me 7000 euro, ndërsa drejtori i policisë së Himarës është rritur në detyrë.
“Opozita nuk mund të kryejë detyrat e saj në Parlament, ka një gjueti shtrigash nga qeveria. Kushdo që nuk pëlqehet nga Rama është i persekutuar në çdo kohë. Nuk ka barazi. Rama përshëndetet në vende të tjera dhe konsiderohet pro-evropian dhe modern, ndërkohë që 1 milion shqiptarë janë larguar nga vendi. Shumë media shqiptare mbështesin qëndrimin e Greqisë. Ata që mbështesin zotin Rama janë shumë të paktë dhe janë në shënjestër. Jam mirë, jam i pafajshëm, i prekur nga dashuria e qytetarëve dhe jo vetëm të himariotëve”, tha Fredi Beleri.
