Furtunë në Inspektoriatin Vendor të Mbrojtjes së Territorit në Bashkinë e Kurbinit.
Në pranga ka rënë drejtori i IMT-së Kurbin dhe janë pezulluar të gjithë inspektorë. Mësohet se janë pezulluar inspektorët Jetmir Muzhika dhe Shan Preçi.
Shkak janë ndërtimet pa leje në zonën e Patokut dhe marrja e inerteve në mënyrë të paligjshme në lumin Mat.
Sipas prokurorisë zyrtarët kanë shpërdoruar detyrën duke mos vepruar për të ndaluar ndërtimet pa leje dhe shfrytëzimin e inerteve të lumit Mat.
Masë sigurie arrest shtëpie është dhënë edhe për Flor Gjinin, ish drejtor i IMVT të Lezhës i cili aktualisht është drejtor Poste.
