Një përplasje e ashpër ka ndodhur mes deputetëve të Partisë Demokratike, Dashnor Sula dhe Kreshnik Çollaku ka tërhequr vëmendjen e të pranishmëve pas mbylljes së mbledhjes së komisionit të Çështjeve Evropiane.
Nga pamjet e siguruara, duket se Sula i drejtohet Çollakut, i cili nuk bën pjesë te deputetët demokratë në mbështetje të Rithemelimit, si “dele”, pasi ky i fundit nuk largohet nga salla.
“Jeni bërë dele mo Niku”, i thotë Sula deputetit që shërben edhe si nënkryetar i PD-së.
Çollaku replikon duke i thënë Sulës se nuk e bën Ina Ramën presidente, duke iu referuar një propozimi të hershëm të Sulës për emërimin e ish-kryeprokurores si kryetare të shtetit.
Sula i kthehet duke thënë se është krenar për propozimin e tij, ndërsa debati më tej zhvillohet në korridorin jashtë sallës me tonë të larta.
Çollaku i drejtohet me cilësimet “lëngaraq, servil dhe legen”, ndërsa Sula e cilëson kolegun si “mashtrues”.
Debati i ashpër në kryesinë e Kuvendit
Çollaku: O Dash
Sula: Jeni bo dele o Niku. O kokrra..mos them ndonjë gje tjetër
Çollaku: Mos hyrë në këto, bëj punën tate. Të foli njeri, të foli njeri?
Sula: O udhëheq i madh…
Çollaku: Mos më bëj si trim se e dimë ça je
Sula: Ik tashi…
Çollaku: O lëngaraq, palaço
Sula: Po ik, le kokrrën e namit, servil, legen
Çollaku: Deputeti qëllon deputetin
Sula: Ku të qëllova, o mashtrues. Ti je mashtrues. Ti mashtron ditën në diell
Çollaku: Palaço, bën këtu demokratin ti opozitarin dhe në darkë çon mesazhe
Sula: Unë të çoj mesazhe..?
Çollaku: Hapi letrat të shohim ku i ke tenderat