Teksa pasuritë dhe vilat miliona euro të dy politikanëve Ilir Meta dhe Sali Berisha që sulmojnë dhe sfidojnë hapur Drejtësinë e Re, qëndrojnë ende të paprekura, SPAK-u i famshëm vazhdon të bëjë ‘goditje të mëdha’.
Këtë radhë SAPK ka sekestruar një apartament të ish kryebashkakut të Lushnjes, në zonën e Lungomares në Vlorë. pasi ku i fundit e ka kryer dënimin.
SPAK i cili që prej vitit 2021 po kryen hetim mbi pasurinë e ish-kryebashkiakut, ka regjistruar një procedim penal në ngarkim të tij me dyshimet se nuk ka deklaruar dhe ka fshehur pasurinë e tij te të tretë.
Referuar njoftimit zyrtar të Prokurorisë, apartamenti është blerë gjatë kohës që ka ushtruar detyrën e Kryetarit të Bashkisë Lushnjë dhe nuk është deklaruar.
Ai rezulton i regjistruar në emrin e një kompanie që operon në fushën e ndërtimeve, por që hetimet e deritanishme tregojnë që posedohet nga Fatos Tushe.
Ky i fundit u paraqit në datën 10 Prill në Prokurorinë e Posaçme bashkë me avokatin e tij për t’u pyetur në lidhje me këtë pasuri.
Fatos Tushe është dënuar me vendim të formës së prerë për akuzat e shpërdorimit të detyrës dhe shkeljes së barazisë në tendera me 2 vite e 4 muaj burg, dënim që e ka shlyer.
Ai u arrestua në verën e 2021 në detyrë pasi ishte përgjuar nga SPAK për disa muaj bashkë me disa vartës të tij.