Mediat ruse kanë publikuar fotot e katër të dyshuarve për sulmin terrorist mbrëmjen e djeshmë në Moskë. Të dyshuarit janë nga ish-republika sovjetike e Taxhikistanit, e cila kufizohet me Afganistanin.
Makhmadrasul Nasridinov (37), Rivozhidin Ismonov (51), Shohinjonn Safolzoda (21) dhe Rustam Nazarov (29) janë disa nga të dyshuarit në sulmin terrorist të djeshëm në një sallë koncertesh në Moskë . Nga sulmi humbën jetën 115 persona, por ekziston mundësia që numri i viktimave të rritet.
Shërbimi Rus i Sigurisë (FSB) njoftoi se të dyshuarit donin të kalonin kufirin dhe të iknin në Ukrainë pas të shtënave, ndërsa Ukraina mohon me forcë çdo përfshirje në sulm.
