Ish-kryeministri Sali Berisha ka komentuar dosjen e quajtur “Shqiponja e Zezë”, ku televizioni kombëtar RTL në Belgjikë nxjerr emrin e Ramës si të lidhur me trafikantë droge. Berisha tha se Rama është supermafiozi që i del emri në të gjithë botën.
Në artikullin e “RTL info”, thuhet se kriminelët e kësaj bande pastronin lekët e drogës në Shqipëri me ndihmën e politikanëve të lartë.
Sipas medias belge, në dosje citohet edhe emri i kryeministrit Rama. Në dosje akuzohen 40 persona për trafik ndërkombëtar droge.
“Edi Rama, supermafiozi që i del emri në të gjithë botën!
Pas RAI 3 dhe RTL, televizioni kombëtar i Mbretërisë së Belgjikës nxjerr emrin e Ramës të lidhur me trafikantë droge në të famshmen dosje “Shqiponja e Zezë”!
Shqiptarë në këmbë! O sot o kurrë!
Këtu më poshë keni artikullin e RTL:
Media belge: Emri i Edi Ramës del në një dosje pastrimi parash drοge.
Në Gjykatën Penale të Brukselit u zhvillua këtë të premte një seancë ndaj një shqiptari të identifikuar si Arben I., i cili akuzohet për përfshirje në një organizatë të trafikut të drogës dhe për pastrim të shumave të mëdha të parave.
Media e njohur belge rtl.be ka raportuar me detaje se çfarë ndodhi në seancë duke cituar se në dosje përmendet edhe emri i kryeministrit shqiptar Edi Rama.
Sipas saj, ishin avokatët Cédric Vergauwen dhe Christophe Van Der Beesen të cilët u shprehën se shqiptari ishte gjykuar një herë për këtë çështje në Spanjë dhe Itali dhe se prokurorët belgë nuk kishin sjellë ndonjë provë të re.
Në këtë dosje që ka marrë emrin “Shqiponja e Zezë” akuzohen 40 persona për trafik ndërkombëtar droge.
Avokati Vergauwen kritikoi faktin se akuzat e ngritura nga prokurori ndaj Arben I. bazohen në informacione që vijnë nga dosjet e huaja. Lidhur me dosjen italiane të realizuar në bashkëpunim me Gjermaninë ai thotë se “nuk të çonte në asgjë”.
Ai kërkoi nga gjykata që të zbatohet parimi “non bis in idem” pra që nuk mund të gjykohesh dy herë për të njëjtat fakte.
Më 18 prill, prokurori kërkoi dënimin me 10 vjet burg për Arben I., të cilin e konsideron si ndërmjetës mes kushëririt të tij, Alfredo H., një nga dy drejtuesit e dyshuar të organizatës kriminale me një organizatë të ngjashme me qendër në Majorka.
“Prokurori pohoi gjithashtu se Arben I. ka vepruar si ndërmjetës mes Alfredo H. dhe investitorëve në Shqipëri për pastrimin e parave të pista, me mbështetjen e politikanëve të lartë. Në dosje citohet emri i kryeministrit shqiptar Edi Rama
