SPAK-ut i sugjerojmë të hetojë edhe këto fakte: Pas vitit 2020, kur u bë vjedhja 66 milionë Euro me ndryshimin e kontratës së sterilizimit, Ogerta Manastirliu ka blerë 1 vilë në Lalz e 1 në Dhërmi; ndërsa Gelardina Prodani ka blerë objekt biznesi hotel-restorant në resortin “Green Cost” në Palasë…
Tashmë është provuar, që Ilir Beqja është hequr nga dosja hetimore e koncesionit të pajisjeve kirurgjikale, me ndërhyrjen e Edi Ramës ngaqë janë bashkë-autorë të kësaj vjedhjeje, por edhe siç thuhet, ka paguar 1 milionë Euro ryshfet.
Por jashtë hetimit për pajisjet kirurgjikale, prokurorët e SPAK, Edvin Kondili e Ened Nakuçi, lanë dhe ish-ministren e Shëndetësisë Ogerta Manastirliu e ish-Sekretaren e Përgjithshme, Gelardina Prodani, të cilat e shtuan vjedhjen duke ndryshuar kontratën në favor të firmës private.
Më 15 janar 2020, këto dy drejtuese të ministrisë së Shëndetësisë, duke mashtruar se gjoja do zgjerohej dhe përmirësohej cilësia e shërbimit kirurgjikal në operacione; bënë pazar me pronarët e kompanisë “Sani Service Sh.p.k”, duke rritur kostot financiare të paguara nga shteti.
Pa përsëritur me detaje faktet që ka nxjerrë edhe KLSH, po përmendim vetëm dy vjedhjet që Ogerta Manastirliu dhe ish-sekretarja Gelardina Prodani, bënë nëpërmjet ndryshimit kontratës:
Së pari shtuan me 44 milionë Euro vlerën fillestare të kontratës së koncesionit; dhe së dyti, nëpërmjet pakësimit të volumit të shërbimit kirurgjikal që përcakton kontrata për 10 vite, më 15 janar 2020 i krijuan 22 milionë Euro fitim firmës private për 5 vite në vazhdim.
Agjentët e BKH që hetuan dosjen e pajisjeve kirurgjikale, kishin skeduar dhe provat e ndryshimit kontratës nga ish-ministrja e Shëndetësisë, Ogerta Manastirliu dhe ish-sekretarja Gelardina Prodani, me pasojë 66 milionë Euro vjedhje shtetit, nëpërmjet bosëve të koncesionit.
Nuk dihet se me çfarë urdhrash politikë, oligarkik apo për çfarë lidhjesh miqësore e interesash; por dy prokurorët e çështjes Edvin Kondili dhe Ened Nakuçi, hoqën nga dosja hetimore dokumentin e ndryshimit të kontratës koncesionare, duke mos e trajtuar fare si provë.
Këtë e bënë, me qëllim që dy drejtuesit e larta të Ministrisë Shëndetësisë, Ogerta Manastirliu e Gelardina Prodani, të mos ishin objekt hetimi, të mos merreshin të pandehura e të mos përfundonin në pranga.
Por rishikimi dosjes së pajisjeve kirurgjikale, përveç Ilir Beqjes, ka bërë pjesë të procedimit penal dhe provat për ndryshimin e kontratës nga Manastirliu e Prodani, të cilat deri tani nuk janë prekur fare nga ky hetim.
Sipas informacionit, rifutja në proces hetimi e ndryshimit të kontratës së sterilizimit, është bërë me urdhër të drejtuesit të SPAK, pasi mbështetur në dokumentet zyrtare, ka konstatuar lënie jashtë procesit të kësaj prove.
Por edhe pas reagimit e kërkesës, që Altin Dumanit i bënë hetuesit e FBI që janë me mision mbikëqyrës pranë Byrosë Kombëtare të Hetimit, të cilët konstatuan, se prova për dyshen Manastirliu- Prodani ishte paraqitur nga hetuesit e BKH, ndërsa në dosjen e SPAK mungonte.
Meqë prova e ndryshimit të kontratës koncesionare u rifut në proces hetimi, i sygjerojmë SPAK-ut, të hetojë edhe këto fakte: Pas vitit 2020, kur u bë vjedhja e 66 milionë Euro me ndryshimin e kontratës, Ogerta Manastirliu ka blerë 1 vilë në Lalz e 1 në Dhërmi; ndërsa Gelardina Prodani ka blerë objekt biznesi hotel-restorant në resortin “Green Cost” në Palasë./Pamfleti