Milani ka barazuar mbrëmjen e sotme në shtëpi përballë Atalantës ndeshjen e vlefshme për javën e 26 të Serisë A. Sfida që u zhvillua në stadium “San Siro”, përfundoi me rezultatin 1-1.
Vendasit kaluan në avantazh që në minutën e 3 me anë të Leaos, me portugezin që shënoi një supergol. Golit të Leaos iu kundërpërgjigj Kupmeiners në minutën e 42 me anë të një penalltie, ku nuk gaboi dhe riktheu baraspeshën.
Pjesa e dytë “foli” e gjitha për Milanin, me kuqezinjtë e Piolit që “bombarduan” portën kundërshtare, por pa mundur të gjenin rrugën e rrjetës.
Pas këtij barazimi, Milani shkon në kuotën e 53 pikëve dhe mbetet në vendin e tretë, ndërsa Atalanta me 46 pikë është e pesta në tabelën e klasfikimit.
