Një aksident i rëndë i ka marrë jetën një shqiptareje në Itali. Ngjarja ka ndodhur mbrëmjen e djeshme në Villafranca, ku e reja u përplas nga një shofer fillestar.
Mediat italiane raportojnë se bëhet fjalë për shtetasen Edmonda Boka, e cila sapo zbriti nga makina e saj, është përplasur nga një tjetër mjet, që drejtohej nga një 18-vjeçar.
Menjëherë në vendin e ngjarjes ka shkuar policia dhe ambulanca së bashku me një helikopter, por nuk kanë mundur të shpëtojnë shqiptaren.
Autoritetet po punojnë për të zbardhur rrethanat e aksidentit që i morën jetën të resë.