Udhëheqësi i një karteli famëkeq të Gjirit në Meksikë është arrestuar, raportojnë mediat lokale.
Jose Alberto Garcia Vilano, i njohur gjithashtu si La Kena ose Cikloni 19, dyshohet se drejton Los Cyclones.
Vilano thuhet se u kap në një qendër tregtare në qytetin e Monterrey, pasi informacioni për vendndodhjen e tij u zbulua te zyrtarët. García Vilano u kap së bashku me tre persona të tjerë brenda një dyqani.
Zyra e Prokurorit të Përgjithshëm të Tamaulipas pati ofruar një shpërblim prej dy milionë pesos e gjysmë në këmbim të informacionit që do të çonte në vendndodhjen dhe arrestimin e tij.
Grupi i tij akuzohet për rrëmbimin e katër shtetasve amerikanë në mars të vitit të kaluar, duke vrarë dy prej tyre. Katër shtetasit amerikanë u rrëmbyen në qytetin kufitar të Matamoros, i cili shtrihet direkt përballë qytetit Teksan të Broënsville, në Shtetet e Bashkuara.
Matamoros është mes fraksioneve ndërluftuese të Kartelit të Gjirit, ndërsa ata luftojnë për kontrollin e të ashtuquajturave sheshe – rrugët e kontrabandës së drogës nga veriu në SHBA.
Katër amerikanët kaluan me makinë përtej kufirit dhe në qytetin e trazuar për kirurgji estetike, sipas të afërmve. Nuk është e pazakontë që amerikanët të udhëtojnë në Meksikë për shërbime mjekësore, ku procedurat janë shumë më të lira, por ndonjëherë edhe më të rrezikshme.
