Komisioni Evropian u ka rekomanduar udhëheqësve të BE-së që të vonojnë futjen e rregullave që u kërkojnë fermerëve të mbajnë një sasi të caktuar toke djerrë ose jo produktive.
Kundërshtimi ndaj të ashtuquajturave rregulla të vendosura nga BE ka nxitur pjesërisht protestat e fermerëve në të gjithë Evropën në Francë, Belgjikë, Holandë, Gjermani, Spanjë dhe Itali.
Sipas propozimit, rregulli i ri nuk do të zbatohet deri në vitin e ardhshëm.
“Propozimi i Komisionit u është dërguar sot vendeve anëtare, të cilët do ta votojnë atë në një mbledhje komiteti. Ky plan ofron një përgjigje të parë konkrete politike për të adresuar shqetësimet e fermerëve për të ardhurat. Ai gjithashtu ndjek kërkesat e përshkruara nga disa shtete anëtare në mbledhjet e Këshillit të Bujqësisë”, tha Komisioni në një deklaratë.
Fermerët kanë fituar koncesionet e tyre të para nga BE pas javësh protestash në Francë, Gjermani, Belgjikë dhe Itali.
Udhëheqësve të BE-së do të nënshkruajnë një propozim të Komisionit Evropian për të vonuar një rregull të ri që kërkon që fermerët të mos punojnë më tokat e djerra si pjesë e një përpjekjeje për të rivendosur shëndetin e tokës dhe rritjen e biodiversitetit.
Ky rregull nuk do të hyjë në fuqi tani deri në vitin 2025.
Në javët e fundit, përpjekjet për të frenuar ndotjen ose për t’i bërë fermerët të paguajnë më shumë për karburante si nafta kanë krijuar protesta në disa vende evropiane. BE-ja shpenzon rreth një të tretën e buxhetit të saj për politikën e saj të përbashkët bujqësore, kryesisht në formën e pagesave direkte për fermerët, dhe sektori nuk duhet të paguajë kostot e ndotjes së tij për ngrohjen e planetit.
Shkencëtarët, ndërkohë, kanë paralajmëruar përkeqësimin e dështimeve të të korrave dhe humbjeve të rendimentit ndërsa Evropa nxehet dhe kafshët e saj të egra po ngordhin
Raundi i fundit i protestave vjen vetëm një javë pasi von der Leyen javën e kaluar nisi një dialog strategjik për të ardhmen e bujqësisë në BE.
