Shtëpia e të moshuarve në qytetin e Fierit është përfshirë nga flakët pasditen e sotme. Për pasojë disa persona kanë mbetur të asfiksuar dhe janë dërguar në spital.
Zjarrfikëset kanë shkuar në vendin e ngjarjes dhe po bëjnë shuarjen e flakëve.
Shkak i zjarrit dyshohet të jetë një batanije elektrike, e cila ka marrë flakë si pasojë e një shkëndije elektrike.
Fatmirësisht të moshuarit kanë arritur të nxirren nga azili dhe nuk ka të dëmtuar nga flakët, përveç disa të asfiksuarve që po marrin ndihmë mjekësore në spital.