Zëdhënësja e Alexei Navalny ka konfirmuar vdekjen e liderit të opozitës ruse dhe kundërshatarit më të madh të presidentit Vladimir Putin.
Navalny ndërroi jetë mesditën e djeshme, ndërsa trupi i tij ndodhet pranë hetuesve.
Sipas BBC, zëdhënësja e Aleksei Navalny, Kira Yarmysh, ka kërkuar që trupi i Navalny t’i dorëzohet menjëherë familjes së tij, pas konfirmimit zyrtar të vdekjes së tij.
Lajmi u bë i ditur nga shërbimet e burgut, të cilët deklaruan se Navalny është ndjerë keq pas një shëtitje, duke humbur vetëdijen.
“Më 16 shkurt 2024, në koloninë nr 3, i dënuari AA Navalny nuk u ndje mirë pas një shëtitjeje, duke humbur vetëdijen.
Menjëherë kanë mbërritur punonjësit mjekësorë të institucionit dhe është thirrur ekipi mjekësor i urgjencës. Mjekët e urgjencës kanë konfirmuar vdekjen e të dënuarit”, u tha në njoftim.
