Të zhytur në korrupsion e vjedhje, kërkojnë që SPAK-u e BKH, të marrin leje paraprake për hetimet, me qëllim që zyrtarët të fshehin, dëmtojnë e zhdukin dosjet, provat, kompjuterët e telefonat; siç vepruan me aferat e landfillet dhe Pajisjeve Kirurgjikale, që nuk u gjetën dosjet origjinale të PPP-ve, por dokumente gjysmake, të fotokopjuara e asnjë kompjuter…
Më 30 janar 2024, “Pamfleti” publikoi denoncimin nga burime në Ministrinë e Financave, për urdhrin dhënë ministrave nga kryeministri Edi Rama, nëpërmjet sekretarit Engjëll Agaçi, që duke filluar nga data 1 shkurt 2024, agjentët e BKH mos të lejohen të sekuestrojnë dokumente, kompjuterë e telefona zyrtarësh në asnjë institucion pa paralajmërim.
Ministra, deputetë e tellallë të “rilindjes” në rrjetet sociale dhe media; e quajtën “shpifje” denoncimin që publikoi “Pamfleti”, por urdhri për të mos pranuar BKH-në në zyrat e pushtetit, u pranua nga kryeministri Edi Rama.
Në intervistën e tij te revista “NewsBombë” më 18 shkurt 2024, pyetjes në se ka dhënë urdhër për pengimin punës së BKH e SPAK, Edi Rama iu përgjigj:
– Po, është vërtetë, sepse janë shfaqje të shëmtuara e krejt të panevojshme, që hetuesit e BKH-së bëjnë në zyrat e shtetit, duke hyrë pa lajmëruar paraprakisht, pa ruajtur asnjë minimum etik, pa respektuar faktin që zyrtarët bëjnë punën e shtetit dhe s’ia kanë borxh as SPAK-ut e as BKH-së, të shkojnë arbitrarisht me duke u bërë represion psikologjik atyre dhe familjeve të tyre.
Pyetjes nëse ky urdhër pengon hetimet SPAK e BKH-së, Edi Rama iu përgjigj: – Unë kam bërë detyrën, duke u thënë drejtuesve të institucioneve, se kush shfaqet si e “Ëma e Zeqos në majë të thanës” në emër të BKH-së, duhet të kthehet andej nga ka ardhur, mbasi dhe bashkëpunimi për hetimin, duhet të jetë sipas ligjit për informacionin me kërkesë paraprake (dy javë përpara), pa hyrë në zyrat e shtetit si tipa të pagdhendur dhe pa stresuar punonjësit e administratës.
Sipas kryeministrit Edi Rama, hetuesit e BKH-së, për çdo kontroll, dokument, sekuestrim dosjesh, kompjuterë, USB e telefona të zyrtarëve, duhet të njoftojnë paraprakisht me shkrim kryeministrin, ministrat, sekretarët e përgjithshëm, krye-inspektorët, drejtorët e krye-bashkiakët, dhe të presin deri sa kërkesat të miratohen prej tyre.
Pra, Babloku dhe varësit e tij të zhytur në korrupsion e vjedhje, kërkojnë që SPAK-u e BKH, të marrin leje paraprake për hetimet, me qëllim që zyrtarët të fshehin, dëmtojnë e zhdukin dosjet, provat, kompjuterët e telefonat, ndryshe nuk do lejojnë hetuesit të futen në zyra.
Siç vepruan me aferën e landfillit të Tiranës e Pajisjeve Kirurgjikale, kur SPAK njoftoi për kontroll, ndërsa kur shkoi te ministria e Shëndetësisë dhe te Ministria e Ekonomi-Financave, nuk gjeti dosjet origjinale të PPP-ve, por dokumente gjysmake, të fotokopjuara e asnjë kompjuter.