Më rrëmbyen anëtarët e policisë sekrete serbe, të cilët më rrahën, torturuan, më poshtëruan dhe më kërcënuan se do të më vrisnin mua dhe familjen time.
Lideri i Partisë Republikane Serbe, Nikola Sandulović, i cili kërkoi falje për krimet kundër shqiptarëve etnikë, ka folur për herë të parë pas lirimit nga paraburgimi.
Ai u liruar nga paraburgimi pasi vuajti atë që ai e quan një provë e tmerrshme në të cilën shërbimet sekrete të Beogradit e rrahën, torturuan, poshtëruan dhe kërcënuan.
Nikola Sanduloviç, lideri i Partisë Republikane Serbe, tha se ai u mor nga shtëpia e tij 10 ditë më parë dhe iu nënshtrua abuzimit të dhunshëm për më shumë se gjashtë orë nga shërbimi i inteligjencës. Për pasojë, thonë avokatët e tij, ai mbetet i paralizuar në anën e majtë dhe po pëson dëmtime nervore.
Duke folur për herë të parë që nga lirimi i tij, Sandulović tha në një deklaratë të mërkurën, ai rrëfeu tmerret e përjetuara për rreth 6 orë nën terrorin e agjentëve të BIA-s.
“Më rrëmbyen anëtarët e policisë sekrete serbe, të cilët më rrahën, torturuan, më poshtëruan dhe më kërcënuan se do të më vrisnin mua dhe familjen time për më shumë se gjashtë orë, duke më rrezikuar jo vetëm shëndetin, por edhe jetën. E gjithë kjo për shkak të shprehjes sime politike dhe aktit të vendosjes së luleve mbi varrin e një vajze të vrarë shtatë vjeçare, e cila i përkiste familjes Jashari”, rrëfeu opozitari serb.
Sandulović është akuzuar për shkelje të ligjeve që ndalojnë nxitjen e urrejtjes kombëtare, racore dhe fetare. Akuzat u ngritën pasi ai kërkoi falje për krimet e kryera nga serbët kundër shqiptarëve etnikë gjatë luftës së Kosovës për pavarësi në vitin 1998 dhe 1999.
Ai është kritikuar ashpër nga mediat pro-qeveritare për ripostimin e një videoje të një vizite që bëri në varrin e Ademit Jashari, themelues i Ushtrisë Çlirimtare të Kosovës , i cili u vra nga policia serbe në vitin 1998 së bashku me 57 anëtarë të familjes së tij.
Sandulović tha se pas sulmit, shërbimi sekret e dërgoi atë në shtëpi. Menjëherë më pas, shtoi ai, ka mbërritur policia me urdhër për ta çuar në burg. Në vend të kësaj, Sanduloviç tha se u dërgua në qendrën e urgjencës pasi gjendja e tij ishte kritike.
Duke dhënë një rrëfim të dorës së parë të incidentit, i cili ka ngjallur frikë për demokracinë në Serbi, politikani opozitar tha se më pas u transferua në një spital burgu dhe u dënua në të njëjtën kohë me “paraburgimin e padrejtë prej 30 ditësh”, duke i vënë në rrezik jetën.
Agjencia e Inteligjencës së Sigurisë (BIA) e ka pranuar marrjen në pyetje të Sandulović-it, por, në një deklaratë për Financial Times , ajo ka deklaruar se ai nuk i ishte nënshtruar ndonjë përdorimi të paligjshëm të forcës fizike ose shkeljes së lirisë dhe të drejtave.
“BIA vetëm donte të zbardhte kontekstin e veprimeve të paligjshme të Sandulović-it, të cilat prokurori kompetent i klasifikoi si vepër penale … nxitje e urrejtjes dhe intolerancës kombëtare, racore dhe fetare”, thuhej në përgjigje.
Shërbimi mohoi raportet se agjentët e tij e kishin rrahur atë, duke thënë se akuzat kishin për qëllim destabilizimin e vendit.
Qeverisë serbe i është drejtuar për koment, por ende nuk ka pasur një të reagim. Lirimi i Sandulović erdhi pasi partitë opozitare në Serbi u nxitën nga një diskutim në Parlamentin Evropian në Strasburg për akuzat se zgjedhjet e fundit ishin manipuluar në favor të SNS të presidentit Aleksandar Vuçiç, një akuzë që Vuçiç e mohon.
