Sot po mbahet funerali i Alexei Navalny, i planifikuar në një kishë në periferi në jug të Moskës.
Sipas mediave perëndimore, Lynne Tracy, ambasadorja amerikane në Rusi, merr pjesë në funeralin e Alexei Navalny.
Po ashtu në ceremoni janë ambasadorët gjermanë Lambsdorff, ambasadori francez Pierre Levy dhe i ngarkuari me punë italiane Pietro Sferra Carini.
Qindra njerëz janë mbledhur në Moskë për funeralin e liderit të opozitës ruse Alexei Navalny i cili humbi jetën në burgun e Arktikut.
BBC shkruna se ka një prezencë të fortë policie në qytet, me roje të maskuar të vendosura rreth një gardhi rrethues.
Vajtuesit e dinë se rrezikojnë arrestimin duke marrë pjesë dhe duke treguar mbështetje për një kritik të shquar të qeverisë.
Udhëheqësi i opozitës ruse vdiq në një burg të Arktikut ku ishte mbajtur me akuza të motivuara politikisht.
Janë dhënë pak detaje për shkakun e vdekjes së tij dhe zyrtarët thonë se ai u rrëzua pasi doli për një shëtitje.
Gruaja e tij pretendon se ai u vra me urdhër të presidentit Vladimir Putin.
Kremlini nuk ka asgjë për t’i thënë familjes së Navalny-t në ditën e funeralit të tij.
Kështu ka deklaruar zëdhënësi i selisë presidenciale ruse, Dmitry Peskov. Peskov gjithashtu refuzoi të japë ndonjë vlerësim për figurën politike të Navalny. Më parë zëdhënësi i Kremlinit kishte kujtuar se takimet e paautorizuara për të përkujtuar kundërshtarin rus përfaqësojnë shkelje të ligjit.
